Höfundur Rúnar Þórisson GÍTARINN 1 er gítarkennslubók ætluð byrjendum í gítarleik hvort heldur í einkakennslu eða samkennslu og æfingarnar hugsaðar sem einstaklingsverkefni eða samspilsverkefni. Í sumum tilfellum má líta á hverja rödd sem sjálfstæða æfingu en í öðrum tilfellum er um upprifjun eða endurtekningu að ræða á því sem áður hefur verið gert. Sé nemandi í samkennslu geta nemendur skipst á að leika hverja rödd. Bókin er jafnframt þannig uppbyggð að samhliða því sem æfðar og leiknar eru einradda laglínur er fljótt lagður grunnur að einfaldri tvíröddun og því að spila hljóma.