Hjördís Pétursdóttir lærði ung að leika á píanó og byrjaði snemma að semja dægurlög. Hún var um tíma formaður Félags Íslenzkra dægurlagahöfunda og var sem slíkur ötull baráttumaður fyrir réttindum þeirra s.s. fyrir lagasetningu til að tryggja að höfundar dægurlaga og dægurlagatexta fengju greitt fyrir flutning á verkum sínum. Alls samdi Hjördís tuttugu dægurlög eða sönglög. Þar af hafa fimm komið út á plötu; Eldur í öskunni leynist, Í Reykjavík, Jenka, Lífsgleði, og Þórshafnarskottís. Þetta nótnahefti er gefið út í tilefni þess að Hjördís hefði orðið 100 ára í ár. Það er von okkar sem að því stöndum að lögin verði flutt í fjölbreyttum útsetningum enda teljum við þau eiga fullt erindi til áhugafólks um tónlist.